હઝરત અબૂબક્ર (ર.અ.) સૌપ્રથમ જન્નતમાં પ્રવેશ કરશે

હઝરત અબૂબક્ર (ર.અ.)નો મહિમા બયાન કરતાં હઝરત પીર મશાઇખ (રહ.) લખે છે:

“હઝરત અબૂબક્ર (ર.અ.)નો મહિમા દર્શાવતી એક હદીષ રિવાયતમાં આવે છે કે નબીએ કરીમ (સ.અ.વ.)એ ફરમાવ્યું કે જિબ્રઈલે આવીને મારો હાથ પકડ્યો અને મને દ્વાર ખોલીને જન્નત બતાવી અને કહ્યું આમાં તમારી ઉમ્મત પ્રવેશશે અને ખૂબ રાહત પામશે તો હઝરત અબૂબક્ર (ર.અ.) આ સાંભળી ખુશ થયા અને અરજ કરી કે કાશ હું પણ આપ સાથે હોત અને જન્નતને પોતાની આંખો વડે જોવત ત્યારે આપ (સ.અ.વ.)એ સભામાં બધાની હાજરીમાં ફરમાવ્યું કે જન્નતમાં જે સૌપ્રથમ પ્રવેશશે તે આપ છો અને હઝરત અબૂબક્ર (ર.અ.)ના મહિમામાં એ પણ આવે છે કે અલ્લાહ તઆલા દ્વારા જન્નતના દારોગા રિઝવાનને પુકારવામાં આવશે કે અબૂબક્ર નબી સાથે ગુફામાં હતા તેમનો હાથ પકડીને જન્નતમાં લઈ જાઓ તો રિઝવાન હઝરત અબૂબક્ર (ર.અ.)ને નબીથી એક કદમ આગળ લઈને ચાલશે આ રીતે તે જન્નતમાં આગળ દેખાશે.”

(ખુલફાએ રાશિદીન,બ:૨૮/૯૫૨,શે:૧-૧૨)